Loftmyndir

Sumarið 2008 voru teknar lágflugsmyndir af Snæfellsnesi, eyjum í Breiðafirði, upp með Hvítá, höfuðborgarsvæðinu svo eitthvað sé nefnt.

Við höfum tekið loftmyndir í átta ár og eigum orðið töluvert safn mynda.  T.d. hafa verið teknar myndir af öllum þéttbýlisstöðum landsins, bæði að ósk sveitarfélaga og að eigin frumkvæði.  Þá hefur fyrirtækið einnig tekið loftmyndir af stórum landsvæðum víðsvegar um landið.  Ár hvert bætist verulegur fjöldi mynda í safnið.

Frá og með árinu 2005 er öll loftmyndataka á stafrænu formi. Það er fyrirtækið Blom Aerofilms sem annast myndatökuna fyrir Samsýn. Starfsemi Blom Aerofilms er vottuð skv. ISO 9001 staðli.

Myndirnar eru teknar á Vexcel UltraCAM-D stafræna myndavél, en sú vél er sérhönnuð til loftmyndatöku. Í henni eru 8 linsur sem hver um sig er stillt á mismunandi bylgjulengd ljóss. Upplausn myndanna er 90 milljón punktar (megapixel).